KATIBU KIGANJA ATUMA SALAMU ZA RAMBIRAMBI MSIBA WA ATHUMAN CHAMA

Katibu Mkuu wa Baraza la Michezo la Taifa (BMT) Ndugu Mohammed Kiganja amepokea kwa masikitiko makubwa taarifa ya kifo cha mchezaji wa zamani wa timu ya Taifa ya Tanzania “Taifa Stars” Athuman Juma “Chama” maarufu kama Jogoo aliyefariki usiku wa kuamkia Januari 8, 2018 katika hospitali ya Taifa Muhimbili.

Katibu Mkuu wa BMT Mohammed Kiganja akizungumza kuhusu Msiba wa Athumani Chama
Katibu Mkuu wa BMT Mohammed Kiganja akizungumza kuhusu Msiba wa Athumani Juma Chama.

Katika salamu hizo za rambirambi Katibu Kiganja amesema ni Pigo kubwa sana kumpoteza mchezaji huyo wa zamani aliyelisaidia Taifa kwa hali na mali katika mchezo wa mpira wa miguu, na kutoa pole kwa familia,ndugu jamaa na marafiki.

BMT linatoa rambirambi kwa familia ya marehemu kutokana na msiba huo.

“Ni masikitiko makubwa kumpoteza Chama ambaye alilitumikia taifa naungana kumuombea marehemu na ninatoa pole kwa familia yake,wanafamilia wa mpira wa miguu, ndugu na jamaa pamoja na marafiki, Mungu aiweke mahala pema peponi roho ya Marehemu Athuman Juma Chama .Amina.

Mchezaji wa zamani wa Timu ya Taifa ya Tanzania Taifa stars, Klabu ya Yanga na Pamba Athumani Juma Chama akiwa katika moja ya mechi alizocheza kipindi hicho.
Mchezaji wa zamani wa Timu ya Taifa ya Tanzania Taifa stars, Klabu ya Yanga na Pamba Athumani Juma Chama akiwa katika moja ya mechi alizocheza kipindi hicho.

Marehemu Chama katika enzi ya uhai wake pamoja na kuichezea timu ya Taifa ya Tanzania Taifa stars, pia ameshawahi kukipiga katika klabu ya Yanga akitokea klabu ya Pamba ya Jijini Mwanza.

Fuatilia Mchezo, like:
0

Leave a Reply

Michezo ni yetu wote, fuatilia, Wataarifu wengi

Follow by Email
Facebook
Facebook
YouTube0
YouTube
Google+0
Google+
http://nationalsportscouncil.go.tz/blog/2018/01/09/katibu-kiganja-atuma-salamu-za-rambirambi-msiba-wa-athuman-chama/">
RSS